తెలంగాణలోనూ థియేటర్స్ బంద్..?

బంద్… ఈ మాట ఇప్పుడు  చాలా కామన్ అయిపోయింది. అయితే ఒకప్పుడు బంద్ అంటే ప్రజలు ఇబ్బంది పడేవారు. కానీ ఇప్పుడు బంద్ కేవలం ప్రజలు ఇబ్బంది పడకూడదనే. ముఖ్యంగా జనాలు ఎక్కువగా ఉండే స్థలాలతోనే ఇబ్బంది. అందుకే త్వరలోనే తెలంగాణలో.. ముఖ్యంగా హైదరాబాద్ తో పాటు మరికొన్ని పెద్ద నగరాల్లో అన్ని థియేటర్స్ ను బంద్ చేయాలనే నిర్ణయం తీసుకోబోతోందట ప్రభుత్వం. కారణమేంటో తెలుసు కదా.. కరోనా..

కరోనా ఎఫెక్ట్ దేశానికి గట్టిగానే పడుతోంది. అందుకే ఇప్పటికే కేరళ ప్రభుత్వం అక్కడి థియేటర్స్ ను ఈ నెల 31 వరకూ బంద్ చేసింది. అలాగే ఢిల్లీలోనూ బంద్ పెట్టేస్తున్నారు. దీంతో పాటు దేశవ్యాప్తంగా ఉన్న ‘పివిఆర్’మల్టీ ప్లెక్స్ లన్నీటినీ మూసివేయబోతున్నారు. అందుకే తెలంగాణ ప్రభుత్వం కూడా ఈ కీలక నిర్ణయం తీసుకోబోతోంది. ఏదైనా.. మనకంటే చాలా అభివృద్ధి చెందిన దేశాలే ఈ కరోనా ఎఫెక్ట్ తో విలవిలలాడుతున్నాయి. అందుకే మనం కూడా వచ్చాక దారులు వెదికే కంటే రావడానికి ఉన్న అవకాశాలను ముందే మూసేస్తే బెటర్.